في بوست اليوم حابة شارك معكم نصائح عن الاضاءة في التصوير.
❤︎بالنسبة الي اهم شي في التصوير الاضاءة، هي الي بتكمل الصورة لتكون احلى.
انا شخصيا بعتمد في تصويري بس على الشمس. طبعا هاد رأيي الخاص، اكيد ما في اي خطأ بإستخدام اضاءة الستوديو.
لحتى تكون الاضاءة ممتازة ..
اول شي؛ دائما بصور في الصباح الباكر ( بين الساعة ٩/ ١٢ ) لانه غرفتي عل الشرق فالشمس احسن شي بهالوقت
اما اذا غرفتكم عالغرب فيكم تصورو بهالوقت او بين الساعة ( ٤/٢) حاولو تبتعدو عن التصوير عند الضهر لانه الشمس كتير قوية فبتكون الإضاءة مائلة للصفار
بس شي حابة ضيفو، مش شرط ازا كان في غيوم يعني الصور مش حتكون حلوة بالعكس؛ وجود الغيوم بيعطي الاضاءة اضافة صغيرة و بخفف من حدة الشمس على الصورة.
تانيا: لما بصور متل ما شايفين بالصورة ما بوقف قبال الشباك لحتى ما اغطي الاضاءة و يصير في خيال عل صورة
❤︎
تالتا: ازا ما فيكم تصورو جنب الشباك ما في مشكلة، حاولو تصورو في اضاءة منيحة و بعدين ارفعو الاضاءة في
او اي تطبيق بتستخدمو لتعديل صوركم vsco cam
.هي مثال عن صورتين وحدة مأخودة في اضاءة الشمس و التانية لا، فيكم تلاحظو الفرق.
.و هاد هو لليوم، ازا عندكم اي سؤال ما تترددو تسألوني بالكومنتات.
